Estou nunha casa cun neno xogando de noite, nun momento miro para a rúa e vexo un OVNI redondo cun potente foco, estaba a baixar de altura lento e diríxíase á casa dun veciño, eu detéñome cun grande pasmo ata que lle digo ao meu compañeiro que se fixase na nave. Mais el non vía nada. Entón collo unha pedra e lánzolla á nave. A pedra rebota e o neno ve como rebota no aire, aí creme.Despois métese na casa do veciño. Eu non sabía que facer e cando me decato co neno non volvía saír, métome a buscalo sen dubidar, atópoo nunha habitación chea de xoguetes.
Desde dentro escoitamos persoas no corredor, un home calvo abre a porta, xa mo esperaba e coloco as miñas mans coma se estivese a agarrar un martelo invisible, movo as miñas mans coma se con este martelo poidese cravalo en toda a cabeza e dígolle:
- Isto representa que xa estas fóra de combate pero se queres pégoche de verdade
El pon cara de querer pegarme e eu adiánteme cun golpe co xeonllo nas súas partes e despois lánzoo de cabeza contra a parede deixándoo inconsciente.
Detrás del había outros dous personaxes máis raros cos que tamén pelexo mentres escapo por unhas escaleiras abaixo, un deles levaba unha roupa escura de ritual, parecía un acólito.
Recollido de cazandosonos.blogspot.com
Ningún comentario:
Publicar un comentario
Nota: só un membro deste blog pode publicar comentarios.