30 de abril de 2011

Beltaine

A noite do 1 de maio que para os celtas sería a noite anterior, ou sexa a do 30 de abril , celébrase o Beltaine. Unha noite de lumes, na que os nosos antergos pasaban tanto eles como o seu gando por entre o fume nun rito de limpeza e purificación ("afumar o gando" decíase na Galicia). Este lume encomendábase ao patronazgo do Deus Belenos (o brillante).
Se Halloween/Samaín representa o principio do inverno no calendario celta, Beltaine significaría o principio do verán.
O rocío que se recollía nas mañás de Beltaine tamén se almacenaba, co fin de utilizalo en posteriores rituais.
Nalgunhas tribos celtas dispoñíase neste tempo duns días de liberdade sexual, nos cales formábanse parellas novas a proba, que duraban ata o seguinte Beltane, data na cal renovábanse os votos ou terminaban separándose.
É en Alemania (Walpurgisnacht) onde conserva un referente máis próximo coa noite de bruxas, da mesma forma que o é Halloween no mundo anglosaxón.
Do mesmo xeito que na novela post-celtica "O Señor dos Aneis", o folklore ruso documenta unha "marcha das árbores" para esta noite máxica do 30 de abril, pola que "todas as árbores, as flores, os arbustos e os seres verdes teñen a posibilidade de camiñar a condición de estar de regreso á mañá seguinte e na súa mesmo sitio".
Para os pobos celtas as celebracións máis importantes eran as que se "cruzaban" entre os solsticios e os equinoccios. Tratábase de Samhain (novembro), Imbolc (febreiro), Beltaine (maio) e Lugnasad (agosto). Dentro destas, as dúas nas que "nacen" as dúas principais estacións eran as festas maiores: Samhain como comezo do inverno e Beltaine como comezo do verán. Aqui atopamos unha gran confusión, xa que hoxe consideramos os solticios de verán e inverno como respectivos comezos das estacións, cando non era así nos pobos antigos europeos. Ata a época de William Shakespeare chega a tradición de contar o tempo segundo os celtas, pois chegou a escribir a novela titulada "A Midsummer Night's Dream"(O soño dunha noite de verán), entendendo por midsummer a noite da véspera do 24 de xuño, dia "central" do verán.

29 de abril de 2011

Latín

Estne volumen in toga, an solum tibi libet me videre?

Qué quere dicir?

28 de abril de 2011

Aforismos de Leonardo

9.- Que o Señor, luz de todas as cousas, sírvase iluminarme, a fin de que eu trate dignamente da luz.

27 de abril de 2011

Ciencia e supervivencia


Baixo este título tan indicativo escóndese un libro escrito no ano 1966 por un autor pouco coñecido, Barry Commoner, naquela época director da facultade de bioloxía da universidade de Washington.

Sorprende deste libro o actualizado que poden estar as súas ensinanzas, adaptadas e traídas ao contexto do presente.

Fala da relación ciencia - ser humano, unha relación moi pasional e ardente, pero ó mesmo tempo irracional e chea de celos .

Por medio dun estilo moi didáctico e claro, o autor nos leva da man pola historia da ciencia e o progreso da tecnoloxía, pero centrándose non nos logros desta,senón nos desatinos que en moitas ocasións cometeu avanzando sen base firme e sen un coñecemento adecuado sobre as consecuencias que deixan tras de sí.

Exemplos explicados no libro son a costrucción e lanzamento de bombas atómicas, que foron no seu momento (agora están prohibidas) [edito] (non o están, as que si están prohibidas son as armas biolóxicas dende a convención de 1972 e as químicas dende 1993.Para as nucleares o que si existen son tratados de non proliferación e de desarme.Existen cinco paises nuclearizados que en casos moi excepcionais teñen amparo legal para usalas : EEUU, Rusia, Francia, Reino Unido e China) culmen armamentístico, orgullo da nación que a poseía, pero que tiveron efectos no medio ambiente nunha magnitude xamáis imaxinada. Pensemos non só nas duas bombas máis famosas que caeron alá donde agora sofren un problema similar, senón nas miles de probas nucleares que se efectuaron antes de teren lanzadas éstas.

Deterxentes que supuxeron un avance incrible na industria do lavado, pero que verquidos ó mar producían un efecto non pensado de contaminación severa.

Motores de combustión interna que incrementaron a eficiencia dos coches, e que existindo connosco desde hai máis de cen anos levan enrarecendo o aire desde entón e xa se prevé neste libro do problema do aumento de temperatura polo efecto invernadoiro.

E máis inventos coma éste, dos que non tivemos conciencia das desvantaxas que trouxeron, obnubilados polos beneficios, ata ben pasado un tempo, cando xa nos acostumamos a eles e moitas veces non había volta atrás.

O enfoque ven sendo ese,o de constatares con feitos previos e probados a conclusión final que non é máis cun alegato a favor da nosa supervivencia:
termos coidado con este xoguete tan perigosamente divertido, a ciencia, porque con respecto a ela non somos, por agora, máis ca nenos en pañais.

26 de abril de 2011

Neira Vilas fala con mozos arxentinos da emigración galega

O escritor e académico galego Xosé Neira Vilas animou os alumnos do colexio bonaerense Santiago Apóstol a manter o legado dos emigrantes galegos e a “exercitarse nunha morriña creativa e creadora”, durante un encontro por videoconferencia entre Galicia e a capital arxentina.

Na cita, organizada pola Xunta de Galicia para homenaxear o literato e académico no cincuenta aniversario da publicación da súa lembrada novela Memorias dun neno labrego, Xosé Neira Vilas afirmou sentirse “marabillado” por poder falar en galego e sobre a literatura galega con estudantes de nacionalidade arxentina.

Mais

25 de abril de 2011

Os Irmandiños

Tal día coma hoxe, pero en 1467, escomezaba a Grande Guerra Irmandiña, que tivo lugar entre 1467 e 1469. Os preparativos para a formación dunha Irmandade Xeral empezaron nos anos anteriores por parte de Alonso de Lanzós e co apoio de varios concellos (A Coruña, Betanzos, Ferrol, Lugo), que actuaron como motores iniciais do movemento. Neste caso, a revolta irmandiña foi unha auténtica guerra civil pola participación social que tivo.

Lee mais premendo

24 de abril de 2011

Literatura e arquitectura danse a man na Fundación Luis Seoane

A Fundación Luis Seoane acolleu durante a inauguración da exposición Arquitectura escrita, que afonda sobre as relacións entre arquitectura e literatura. En concreto, a mostra entra nesta cuestión a través das construcións imaxinadas e pensadas por escritores ao longo de case 2.500 anos de historia, dende a Antigüidade clásica pasando pola Idade Media, o Renacemento, o Barroco ou o século das Luces, ata a literatura contemporánea.

Máis info.

23 de abril de 2011

Día mundial do libro e do dereito de autor - 23 de abril

Coa celebración deste día no mundo enteiro, a UNESCO pretende fomentar a lectura, a industria editorial e a protección da propiedade intelectual por medio do dereito de autor.

O 23 de abril de 1616 falecían Cervantes, Shakespeare e o Inca Garcilaso de la Vega. Esta data tan simbólica para a literatura universal foi a escollida pola Conferencia Xeral da UNESCO para render unha homenaxe mundial ao libro e os seus autores. A idea desta celebración partiu de Cataluña, onde este día é tradicional regalar unha rosa ao comprador dun libro.

22 de abril de 2011

Diccionario de persoaxes históricos

ADÁN [1] (apelido descoñecido), antepasado, explorador, xardineiro, e fundador da historia. Os biógrafos discuten acerca da súa liñaxe. Ao parecer naceu o primeiro sábado do primeiro ano. Sábese pouco da súa vida de neno. Educación: autodidacta. Introduciuse na xardinaría e nos negocios hortícolas de mozo. Era un forte anti-polígamo e casou con Eva, unha parente próxima. Nenos: Cain e Abel. Foi rico e feliz durante algúns anos, pero desafortunadamente a súa posición cambiou polas ambicións frutíferas da súa esposa, de xeito que perdeu o favor do propietario do xardín e o negocio quebrou.
A. comezou varias cousas que non se perfeccionaron.
Dieta: Afeccionado de mazás. Recreación: Xadreces, agricultura.
Dirección: Edén. Clubs: Membro de todos os exclusivos.
[1] Nota: Adán non debe estar primeiro, pero dáselle esa posición por respecto.


Se queres ler mais de Adán, dende un punto de vista simpático, Mark Twain escribiu "Diario de Adán e Eva", mira a reseña do libro premendo.

21 de abril de 2011

Aforismos de Leonardo

8.- Queira O noso Autor que eu demostrase ben a natureza do home e as súas facultades, mediante as miñas figuras descritivas!

20 de abril de 2011

Reseña en verso da comedia Fuenteovejuna

Un colaborador envianos a reseña en verso do libro de Lope de Vega, Fuenteovejuna. O libro o podes ver ou descargar premendo aqui.

Reseña en verso de la comedia Fuenteovejuna

Fuente abejuna más que ovejuna
de abejas más que de ovejas
De picaduras letales
mas que balidos por queja

Traído nos es por Vega
pensado por los villanos
deste pueblo de Córdoba
por matar a su tirano

Alcaldes no le faltaban
a este pastoril poblado
aun no gobernaban más
que uno cualquiera del barrio

Fernán Gómez se llamaba
el que los tenía a todos
con sus improbos desmanes
más que siervos como exclavos.

Comendador mayor era
de la orden de Calatrava
mientras duró su reinado
con mano tan inhumana

A las haciendas robaba
no soportando la gente
que por ellos floreciera
el hombre más indecente

Él a la mujer forzaba
al derecho de pernada
descuidado de que el tiempo
sobre ese abuso volaba

Él al hombre subyugaba
que sus mujeres prestara
que eso el mismo daño causa
al que ama a la desposada

Tanto poder emanando
doblegaba al más valiente
que su lengua y sus dos de brazos
en arma no les convierte

No se descuide patrono
que inadvertida no pasa
ni entre apocados colonos
su desverguenza tamaña.

Comendador mayor fue
de la orden de Calatrava
hasta un día en que con saña
de un balcón le fenestraban

Donde Lope tome notas
y se informa en frenesí
es de Rades su Chrónica
que relata todo aquí.

También bebamos nosotros
destas historias pasadas
que guardan sabiduría
además que mucho agradan

19 de abril de 2011

Recomendación

Hai dúas semanas publicabamos un texto preguntando polo seu autor (nesta ligazón).

O libro én cuestión ten un inicio rechamante:

Que los dioses te guarden, Fabio, de esta plaga, pues de todas las formas de purificar el cuerpo que el hado nos envía, la diarrea es la más pertinaz y diligente.

Trátase dunha obra do escritor Eduardo Mendoza, que ten por título "El Increíble viaje de Pomponio Flato".

Un libro fácil de leer e con sentido do humor.

18 de abril de 2011

Día Internacional dos Museos e Sitios

O Dia Internacional dos Monumentos e dos Sitios foi instaurado por ICOMOS o 18 de abril de 1982, e posteriormente aprobado pola UNESCO na súa 22ª Sesión da Conferencia Xeral. Este dia especial ofrece une boa oportunidade para sensibilizar ao público sobre a diversidade do patrimonio no mundo e sobre os esforzos que require o seu protección e a súa conservación, asi como chamar a súa atención sobre a súa vulnerabilidade.

17 de abril de 2011

Información cultural nos medios de comunicación galegos.

Os medios de comunicación galegos enfocan a Cultura preferentemente como Ocio. Este é un dos motivos polo que a maior parte dos suplementos dos xornais se publican na fin de semana, aumentando así o número de noticias culturais. A principal conclusión que se desprende deste estudio é a pouca relevancia da información cultural na prensa diaria:

Á hora de falar de porcentaxes, non existe gran diferencia entre os temas máis frecuentes. Un 17% das informacións culturais tratan sobre temas relacionados coas artes musicais. A maioría son noticias nas que se anuncian ou se fan críticas de actuacións musicais. O seguinte tema máis habitual na prensa na fin de semana é a literatura cun 16%. A maior parte son críticas e reseñas das novidades editoriais. Á literatura séguenlle en número de noticias as artes audiovisuais, as artes plásticas (exposicións de arte en gran parte) e as artes da representación/teatro.

O 62,5% das noticias analizadas non citan nin sequera unha fonte. Isto evidencia a falla de contraste á hora de elaborar os contidos culturais, xa que só o 7,4% das informacións conteñen máis dun punto de vista.
A fonte máis recorrida (un 50,6%) é a que cualificamos como “Individuo”, persoas que non representan a ningunha institución, empresa ou asociación e das que parte a información. A Administración Pública (concellos, Xunta de Galicia, deputacións e Estado), cun 18%, e as diferentes fundacións (Caixa Galicia, Barrié de la Maza, Caixanova e outras) cun 9,6% son, despois de Individuo, as fontes máis utilizadas. Empresas privadas e asociacións tamén protagonizan as informacións nun 7,4% e nun 7%, respectivamente.

Á hora de falar sobre a lingua que escolle a prensa para tratar a información cultural, os xornais decántanse polo castelán para transmitir este tipo de contidos. Só o 30,2% están escritas en galego. Ó contrario do que sucede na prensa, a lingua predominante na información radiofónica é claramente o galego. Un 83% das noticias recollidas están nesta lingua.

O xoves é o día da semana no que os xornais publican máis noticias culturais e o luns o que menos, xa que aumenta o número de páxinas dedicadas á información deportiva. Isto provoca unha diminución de contidos e de planas no resto das seccións sendo as páxinas de local as máis afectadas. A medida que se achega a fin de semana vai en aumento cantidade de información cultural que publican os diarios e tamén é cando aparecen os suplementos semanais:

Ó igual que acontece durante a fin de semana, o tema máis frecuente na información cultural son as noticias relacionadas coas artes musicais. A literatura ocupa o segundo lugar cun 12,5% dos contidos dedicados a ela. A principal conclusión que se desprende deste estudio é a pouca relevancia da información cultural na prensa diaria:

Á hora de falar de porcentaxes, non existe gran diferencia entre os temas máis frecuentes. Un 28,4% das informacións culturais tratan sobre temas relacionados coas artes musicais. A maioría son noticias nas que se anuncian ou se fan críticas de actuacións musicais. O seguinte tema máis habitual na prensa na fin de semana son as artes audiovisuais cun 16,1%. A maior parte son críticas e reseñas das novidades cinematográficas. Ás artes audiovisuais séguenlle en número de noticias as artes plásticas (exposicións de arte en gran parte) e a literatura. A principal conclusión que se desprende deste estudio é que a cultura non desenvolve un
papel preponderante no discurso xornalístico galego: Os medios de comunicación galegos enfocan a Cultura preferentemente como Ocio ou como Espectáculo, polo que se pode afirmar que non desenvolve un papel preponderante no discurso xornalístico galego. Este concepto aparece case sempre vinculado a actividades de lecer como ler un libro, ir ó cine, ó teatro ou a un concerto. Este é un dos motivos polo que a maior parte dos suplementos dos xornais se publican na fin de semana, aumentando así o número de noticias culturais.

Pouco relevante. A maioría non supera o 25% do espacio da páxina e en poucas ocasións chega a portada. Nos medios audiovisuais sitúase ó final dos informativos e adoita ir detrás da información política e económica. Se ben os medios impresos recollen maior número de noticias culturais, á radio e á televisión só chegan as de maior transcendencia informativa. Predominio da información cultural local. A maior parte dos xornais galegos están destinados a un público dun área xeográfica concreta (p.ex.: Diario de Arousa) polo que a maioría das noticias atópanse nas páxinas dedicadas á información local.

16 de abril de 2011

20.000 leguas de viaxe baixo os mares (XX).

6. A todo vapor
Ao ouvir este berro, toda a tripulación precipitouse cara ao arponeiro; comandante, oficiais, contramaestres, mariñeiros, grumetes e até os enxeñeiros, que deixaron as súas máquinas, e os fogoneiros, que abandonaron os seus postos. Deuse a orde de parar, e a fragata xa non se desprazaba máis que pola súa propia inercia.
Tan profunda era xa a escuridade que eu me preguntaba como puidera velo o canadense, por bos que fosen os seus ollos. O meu corazón latexaba até romper.
Pero Ned Land non se equivocara, e todos puidemos advertir o obxecto que a súa man indicaba. A uns dous cables do Abraham Lincoln e por estribor, o mar parecía estar iluminado por baixo. Non era un simple fenómeno de fosforescencia nin cabía enganarse. O monstro, mergullado a algunhas toesas da superficie, proxectaba ese inexplicable pero moi intenso resplandor que mencionaran os informes de varios capitáns. A magnífica irradiación debía ser producida por un axente de gran poder luminoso. A luz describía sobre o mar un inmenso óvalo moi alargado, en cuxo centro se condensaba un foco ardente cuxo irresistible resplandor se ía apagando por degradacións sucesivas.
-Non é máis que unha aglomeración de moléculas fosforescentes -exclamou un dos oficiais.
-Non, señor -respostei con convicción-. Nin as folas nin as salpas son capaces de producir unha luminosidade tan forte. Ese resplandor é de natureza eléctrica... Ademais, mire, mire como se despraza! Móvese cara a adiante e cara atrás! Precipítase cara a nós!
Un berro unánime xurdiu da fragata.
-Silencio! -gritou o comandante Farragut-. Cana a barlovento, toda! Máquina atrás!
Os mariñeiros precipitáronse cara á cana do temón e os enxeñeiros cara ás súas máquinas. O Abraham Lincoln, abatendo a babor, describiu un semicírculo.
-Á vía o temón! Máquina avante! -gritou o comandante Farragut.

14 de abril de 2011

Aforismos de Leonardo

7.- Admirable xustiza a túa, Causa Primeira!
Ti non permitiches que ningunha forza falte á orde e calidade dos seus efectos necesarios.

13 de abril de 2011

Sinforiano López

O nome da rúa onde Palaestra tivo a súa se na Coruña é o de Sinforiano López.

¿Quen foi este home?

O guarnicionero Sinforiano López foi o xefe da rebelión coruñesa contra os franceses en 1808, pero sete ano mais tarde foi executado polo mesmo goberno que promovera.

Ocurreu tal día coma hoxe en 1815

Coñece mais de Sinforiano López

12 de abril de 2011

O Lectoriño

O Lectoriño chegou á súa edición número catorce. O salón de lectura infantil e xuvenil de Vilagarcía celebrouse entre os días 7 e 9 de abril no auditorio municipal.
O obxectivo fundamental desta proposta é fomentar a lectura entre os máis pequenos.
Os patrocinadores do certame foron Xerais, Kalandraka, Everest Galicia, Edicións do Castro e a delegación da consellería de Cultura de Pontevedra. Como colaboradores, Ir Indo, A Nosa Terra, Galaxia e a biblioteca Rosalía de Castro de Vilagarcía.

11 de abril de 2011

Unha frase para empezar a semana

A vida é unha pura contradición. "Separado" escríbese todo xunto e "todo xunto" escríbese separado.

10 de abril de 2011

Ramón Otero Pedrayo

Hai 35 anos, o 10 de abril de 1976, falecia un dos grandes da cultura galega; Ramón Otero Pedrayo.

Coñece mais da su vida premendo.

9 de abril de 2011

20.000 leguas de viaxe baixo os mares (XIX).

A fragata achábase entón a 310 15' de latitude Norte e 1360 42' de lonxitude Este. As terras do Xapón distaban menos de duascentas millas a sotavento. Achegábase xa a noite, acababan de dar as oito. Grandes nuboeiros velaban o disco lunar, entón no seu primeiro cuarto. A mar ondulaba mansamente baixo a roda da fragata. Eu achábame a proa, apoiado na bataiola de estribor. Ao meu lado, Conseil miraba ao horizonte. A tripulación, empolicada aos obenques, albiscaba o horizonte que ía reducíndose e escurecéndose aos poucos. Os oficiais escudriñaban a crecente escuridade cos seus catalexos de noite. De cando en vez o escuro océano resplandecía fugazmente baixo un raio de lúa entre dúas nubes. Logo, o raio de luz desvanecíase de novo nas tebras.
Observando a Conseil, crin ver que o bo raparigo deixarase contaxiar un pouco do estado de ánimo xeral. Quizá e por vez primeira os seus nervios vibraban baixo o sentimento da curiosidade.
-Imos, Conseil -díxenlle-, esta é a última ocasión de embolsarse dous mil dólares.
-Permítame o señor dicirlle que en ningún momento contei con esa paga, e que aínda que se ofreceran cen mil dólares non por iso veríase máis pobre o goberno da Unión.
-Tes razón, Conseil. Despois de todo, é unha estúpida aventura, e lanzámonos a ela cunha excesiva lixeireza. Canto tempo perdido e cantas emocións inútiles! Pensar que fai xa seis meses que podiamos estar na Francia!
-Na casa do señor, no museo do señor. E eu tería xa clasificados os fósiles do señor. O babirusa do señor estaría xa instalado na súa gaiola do xardín de prantas, e sería a atracción de todos os curiosos da capital.
-Así é, Conseil. E o que é máis, así mo temo, a xente vai burlarse de nós.
-En efecto -respondeu moi tranquilamente Conseil-. Creo que van burlarse do señor. E podo permitirme dicir que ... ?
-Podes permitircho, Conseil.
-Pois ben, que o señor llo ten merecido.
-De verdade?
-Cando se ten a honra de ser un sabio como o señor, non se pode expor un a...
Conseil non puido acabar a súa frase. No medio do silencio, ouviuse unha voz. A de Ned Land. E a voz de Ned Land gritaba:
- Oíde! A cousa en cuestión, a sotavento, ao través!

8 de abril de 2011

A Galipedia

A Galipedia é a versión en galego da Wikipedia. Este é un proxecto internacional feito por voluntarios, co propósito de facer unha enciclopedia libre, accesible, colaborativa e de balde en moitos idiomas. O obxectivo é a plena transmisión da sabedoría e o coñecemento sen restricións editoriais nin comerciais. O desenvolvemento da Wikipedia está aberto a toda persoa interesada en contribuír.
A versión galega, que comezou o 8 de marzo de 2003, ten 70.472 artigos.

Galipedia

7 de abril de 2011

Día Mundial da Saúde

En 1948, a Primeira Asemblea Mundial da Saúde propuxo que se establecese un «Día Mundial da Saúde» para conmemorar a fundación da Organización Mundial da Saúde. Desde 1950, o Día Mundial da Saúde celebrase cada 7 de abril. Todos os anos elíxese para esa xornada un tema de saúde específico a fin de destacar unha área prioritaria de interese para a OMS.

O Día Mundial da Saúde brinda unha oportunidade de ámbito mundial para centrar a atención en importantes cuestións de saúde pública que afectan á comunidade internacional. Con ocasión do Día Mundial da Saúde lánzanse programas de promoción que se prolongan longo tempo tras o 7 de abril.

6 de abril de 2011

Feira do Libro en Ferrol

A escritora Rosa Aneiros foi a encargada de inaugurar a Feira do Libro de Ferrol, que se celebrará até o próximo domingo no Cantón de Molíns. Alí están xa instalados un total de once postos, sete dos cales son de librarías que aplicarán descontos do 10%. A de Ferrol é a primeira feira do libro que se celebra este ano en Galicia e o seu programa inclúe, ademais de presentacións de libros, unha serie de actividades teatrais e musicais.

Entre as novidades deste ano, destaca a celebración na Fundación Novacaixagalicia dun maratón de lectura que terá en Castelao o seu eixe central e que se desenvolverá tanto para centros escolares como para o público xeral. Outro evento destacado da programación será a representación de Cunqueiradas, o monólogo cómico de Cándido Pazó sobre o autor de Merlín e Familia, que xa foi presentado na Cidade da Cultura.

Mais

5 de abril de 2011

Sabes de onde é este texto?

Llevaba un rato asi cuando oí una poderosa detonación procedente de mi propio organismo y sali disparado de mi cabalgadura con tal violencia que fui a caer a unos veinte pasos del animal, el cual, presa de espanto, partió al galope dejándome maltrecho e inconsciente.
No sé cuanto tiempo estuve asi, hasta que desperté y me vi rodeado de un numeroso grupo de árabes que me miraban con extrañeza, preguntándose unos a otros quien podía ser aquel individuo y como podía haber llegado hasta allí por sus propios medios. Con un hilo de voz les dije que era un ciudadano romano, de familia patricia y de nombre XXXXXXXXXXX, y que de resultas de una ligera indisposición me había caído del caballo.
Habiendo escuchado atentamente mi relato, deliberaron un rato sobre como proceder, hasta que uno dijo:
- Propongo que le robemos lo que todavía lleva encima, que le demos por el culo reiteradamente y que luego le cortemos la cabeza como suele hacer con los viajeros nuestra pérfida raza.

Sabes a que libro pertence este fragmento?

4 de abril de 2011

3 de abril de 2011

Coleccións privadas e conservación do patrimonio bibliográfico.

É ben sabido que, durante anos, a conservación do patrimonio bibliográfico e documental galego foi un esforzo fundamentalmente privado. Canda a asociacións, fundacións e outros organismos, os bibliófilos foron construíndo e conservando desde o Rexurdimento todo un corpus de libros e documentos que tardaría moito en conseguir recoñecemento e apoio institucional. Malia a contar na actualidade con organismos públicos, universidades, e todo tipo de plans de acción, o coleccionismo privado mantén un grande papel na conservación deste legado.

Mais

2 de abril de 2011

Día Internacional do Libro Infantil e Xuvenil

O IBBY (International Board on Books for Young People) instaurou en 1967 a data do 2 de abril para conmemorar o nacemento do escritor danés Hans Christian Andersen, autor de, entre outros coñecidos contos, "O parrulo feo", "O traxe novo do emperador" ou "O soldadiño de chumbo". Os obxectivos desta celebración son inspirar o amor polos libros e chamar a atención da comunidade sobre os libros para nenos.

1 de abril de 2011

Abril

Abril
1. Cuarto mes do ano, entre marzo e maio, que ten trinta días.
2. Primeira mocidade: o abril da vida.
3. Anos da primeira mocidade: cumpre vinte abrís.

Os antigos romanos chamábanlle Aprilis en latín.

Acontecementos en abril.
O 1 de abril de 1939 finaliza a Guerra Civil Española.
O 2 de abril de 2005 falece no Vaticano o Papa Xoán Paulo II.
O 13 de abril de 1815 Sinforiano López, héroe coruñés na revolta contra os franceses, é executado.
O 14 de abril de 1931 iníciase a Segunda República Española.
O 15 de abril de 1912 o barco máis luxoso do momento, o Titanic, afúndese tras chocar contra un iceberg.
O 15 de abril de 2000 ten lugar a xuntanza fundacional do Club Beisbol Galicia.
O 20 de abril de 1889 nace Adolf Hitler en Linz, Austria.
O 20 de abril de 1999 dous adolescentes asasinan a 12 estudantes e un profesor no instituto Columbine. Logo suicídanse.
O 22 de abril de 1945 os rusos empezan o asedio e a batalla de Berlín, na Segunda Guerra Mundial.
O 23 de abril de 1616 falece Miguel de Cervantes.
O 25 de abril de 1467 principia a Revolta Irmandiña.
O 28 de abril de 1945 morre o ditador italiano Benito Mussolini.
O 29 de abril de 1945 Adolf Hitler contrae matrimonio con Eva Braun, quen fora a súa parella desde 1931.
O 30 de abril de 1945 suicídanse Adolf Hitler e a súa esposa Eva Braun nas ruínas de Berlín, rodeados polo Exército soviético.