10 de novembro de 2013

Paolo Coelho - Satanás Vende Obxectos Usados

Como necesita adaptarse aos novos tempos, Satanás decidiu facer unha liquidación de gran parte do seu stock de tentacións. Puxo anuncios nos diarios e atendeu aos clientes, na súa oficina, durante todo o día.

Era un stock fantástico: pedras para que os virtuosos tropezasen, espellos que aumentaban a importancia persoal, anteollos que diminuían a importancia dos demais. Colgados da parede, algúns obxectos chamaban moito a atención: un puñal de folla curva, para ser usado nas costas dalgún, e gravadoras que só rexistraban chismes e mentiras.

-Non se preocupen polo prezo! -gritaba o vello Satanás aos potenciais compradores. -Léveno hoxe, paguen cando poidan!

Un dos visitantes notou, postas nun costado, dúas ferramentas que parecían moi usadas e que case non chamaban a atención. Con todo, eran carísimas. Curioso, quixo saber a razón desa aparente discrepancia.

-Están gastadas porque son as que máis uso -respondeu Satanás, rindo. -Se chamasen moito a atención, a xente sabería como protexerse delas. Con todo, ambas valen o prezo que pido por elas: unha é a Dúbida e a outra é o Complexo de Inferioridade. Todas as outras tentacións sempre poden fallar, pero estas dúas sempre funcionan.

Ningún comentario:

Publicar un comentario