8 de novembro de 2013

Inicio de AMOR VERDADEIRO

O meu nome é Joe. Así é como o meu colega Milton Davidson chámame. El é un programador e eu son un programa de computador. Son parte do complexo «Multivac» e estou conectado con outros sectores en todo o mundo. Seino todo. Case todo. Son o programa privado de Milton. El sabe máis de programación que ninguén no mundo, e eu son o seu modelo experimental. Fíxome falar mellor do que poida facelo calquera outro ordenador. 
- É cuestión de axustar os sons aos símbolos, Joe -díxome-. Así funciona o cerebro humano, aínda que todavia non sabemos que símbolos hai no cerebro. Coñezo os símbolos do teu e podo axustalos un por un a palabras. 
De modo que falo. Non creo que fale tan ben como penso, pero Milton di que o fago moi ben. El non se casou nunca, aínda que ten case corenta anos. Díxome que non atopara á muller ideal. Un día sincerouse comigo:
- Atopareina, Joe. Quero ter verdadeiro amor e ti vasme axudar. Estou canso de mellorarche para resolver os problemas do mundo. Resolve o meu problema. Atópame o verdadeiro amor. 
- Que é o verdadeiro amor? -preguntei. 
- Non che importa. É algo abstracto. Búscame a rapariga ideal. Estás conectado ao complexo «Multivac», así que podes conseguir o banco de datos de calquera ser humano deste mundo. Irémolos eliminando por grupos e por clases ata que só nos quede unha persoa. A persoa perfecta. Esa será para min. 
- Estou disposto -díxenlle. 
- Elimina primeiro a todos os homes -ordenou. 
Foi fácil. As súas palabras activaron símbolos das miñas válvulas moleculares. Podo establecer contacto cos datos acumulados de cada ser humano do mundo. Obedecendo a súa orde eliminei 3.784.982.874 homes. Mantiven o contacto con 3.786.112.090 mulleres. 
- Elimina ás menores de vinte e cinco anos e todas as maiores de corenta. Despois, elimina a todas as que o seu CI sexa inferior a 120; a todas as que midan menos de 1,50 e máis de 1,75. Comunicoume as medidas exactas, eliminou mulleres con fillos vivos, eliminou mulleres con diversas características xenéticas. 
- Non estou seguro da cor de ollos que quero. Deixémolo de momento. Pero nada de rubias. Non me gusta o pelo vermello. Pasadas dúas semanas, quedábannos 235 mulleres.
...

Ningún comentario:

Publicar un comentario