24 de setembro de 2021

Inicio de OPERACION TRASLADO

OPERACION TRASLADO
Joseph M. Reeds

O frenético bulicio das oficinas centrais do Sector foi para o coordinador Vance McCune como un estalido sufocante cando entrou de mala gana na sala de control que el comparaba a un circo.
Detívose e extenuadamente observou as descomunais máquinas correlacionadoras, aos empregados e aos técnicos que se movían dun lado cara a outro como formigas atarefadas, aos operadores da vídeo-comunicación, e a todo o persoal de control de detección.
Unha especie de repentina inmobilidade produciuse na sala cando todos eles descubriron a súa presenza. A reacción, aínda que tardía en producirse, foi algo así como unha onda de asalto.
- O Vello sinalou para o xoves unha reunión do consello no Secretariado.
- O equipo Corenta e Oito necesita máis escudos ao sur de Denver. Podo retirar as placas de Flagstaff?
- O Sector Central Ruso desexa que fagamos unha inspección da contaminación nas capas superiores.
- O comisario Carmath solicita que inspeccionemos un novo vertedoiro.
- Velaquí o informe oceanográfico...
Antes de que McCune chegase á súa mesa levaba á súa zaga a un séquito composto por máis dunha ducia de persoas, todas as cales esixían unha atención preferente.
O coordinador era un home alto, con liñas de abatemento na cara. Se o seu cabelo parecía escaso e desgreñado, debíase moito menos á neglixencia que á resignación ante o inevitable.
...

Ningún comentario:

Publicar un comentario