10 de maio de 2016

Fragmento de Filosofía da saudade, de Ramón Piñeiro

Cantos teñen escrito sobre Rosalía, falaron da saudade; cantos teñen escrito sobre a saudade, falaron de Rosalía. Incluso, recentemente, chegáronse a asociar os dous temas asimilativamente. Comecemos por deprender o que a saudade foi para Rosalía mesma.
Rosalía fala moitas veces da saudade. Utiliza os termos soidade e saudade, o primeiro preferentemente. Sabemos que distinguía varias formas de soidade. Polo menos dúas, pois referíndose ós poemas de Follas novas di: "Escritos no deserto de Castilla, pensados e sentidos nas soidades da Natureza e do meu corazón..." Nos seus poemas expresa clara e insistentemente dúas maneiras de soidade: a soidade de amor e a soidade da terra. Lembremos algún exemplo de cada unha das maneiras de soidade.

Soidade do amor:

Cala rula, os teus arrulos
ganas de morrer me dan;
cala grito, que si cantas
"sinto negras soidás".
O meu homiño perdeuse,
ninguén sabe en onde vai...
...

Ningún comentario:

Publicar un comentario