CONTOS BREVES E EXTRAORDINARIOS
NOTA PRELIMINAR
Un dos moitos agrados que pode fornecer a literatura é o agrado do narrativo. Este libro quere propor ao lector algúns exemplos do xénero, xa referentes a sucesos imaxinarios, xa a sucesos históricos. Interrogamos, para iso, textos de diversas nacións e de diversas épocas, sen omitir as antigas e xenerosas fontes orientais. A anécdota, a parábola e o relato achan aquí hospitalidade, a condición de ser breves.
O esencial do narrativo está, atrevémonos a pensar, nestas pezas; o demais é episodio ilustrativo, análise psicolóxica, feliz ou inoportuno adorno verbal. Esperamos, lector, que estas páxinas che divirtan como nos divertiron a nós.
J.L.B. e A.B.C., 29 de xullo de 1953
Ningún comentario:
Publicar un comentario
Nota: só un membro deste blog pode publicar comentarios.