2 de xullo de 2016

Inicio de O NUMERO QUE SE ALCANZOU

O NUMERO QUE SE ALCANZOU
Thomas M. Disch
 
Cando desapareceu o aburrimento, pasou a ocupar o seu lugar o pánico. Esta vez chegou ao mediodía a través do Volume 6 de Toynbee. Normalmente, un bo mergullo e un par de quilómetros percorridos a nado arranxarían as cousas, pero era inverno. Saíu á veranda en camiseta e deixou que o vento do lago azoutase a súa carne. Contemplou a cidade enterrada en neve e a inmaculada brancura da escena puxo un nó no seu corazón, facéndolle sentir o que perdera, e tamén por mor da súa beleza. Agarrouse á varanda do balcón, e a frialdade do metal temperou a calor das palmas das súas mans. Os seus músculos reclamaban ser utilizados. A súa mente necesitaba comunicarse con outra mente. Tiña que falar.

Ningún comentario:

Publicar un comentario