INICIO DE BALADA DO AMOR IMPOSIBLE

BALADA DO AMOR IMPOSIBLE

Aejandro Dolina

Os cronistas máis serios do barrio do Angel Gris coinciden en destacar a propensión dos seus habitantes cara aos amores imposibles. Así, mentres os mozos doutros barrios namóranse de raparigas groseiramente posibles, os homes de Flores parecen condenados a amar - case sempre en segredo - a mulleres que non serán para eles.

E en honra a estas damas é que os Homes Sensibles fan o que fan. Algúns emprenden desde mozos o estudo do violín, unicamente para aprender a tocar un vals en obsequio da súa amada. Non importa que
ela non alcance xamais a ouvilo. Ese non é o punto.

Outros indagan os segredos da versificación e mergúllanse na dor para lograr unha poesía.

Hai quen se exercitan na coraxe e cultivan a guapeza. E non faltan os que elixen a melancolia ou a tolemia.

Pensan os Homes Sensibles que sendo mellores merecerán ser amados. E para a ética sentimental deste barrio, os mellores homes son artistas, valentes, tristes ou tolos.

...