Inicio de Esaxerou a Nota, de Antón Chejov

A leira á cal se dirixía para efectuar o deslinde distaba uns trinta ou corenta quilómetros, que o agrimensor Gleb Smirnov Gravrilovich tiña que percorrer dacabalo. Apeouse na estación de Gñilushki. (Se o cocheiro está sobrio e os cabalos son de boa pasta, poden calcularse uns trinta quilómetros; pero se o cocheiro tomou catro copas e os cabalos están fatigados, hai que calcular uns cincuenta.)
   
- Oia señor xendarme, poderíame dicir onde podo atopar cabalos de posta? -preguntoulle o agrimensor ao xendarme de servizo na estación.
   
- Como di? Cabalos de posta? Aquí non hai un can decente en cen quilómetros á redonda. Como quere que haxa cabalos? Ten vostede que ir moi lonxe?

- Á leira do xeneral Jojotov, en Devkino.
   
-Ténteo no patio, alén da estación -dixo o xendarme, bostezando-. Ás veces hai campesiños que admiten pasaxeiros.
   
O agrimensor deu un suspiro e, malhumorado, pasou alén da estación. Tras moitas discusións e regateos, púxose de acordo cun campesiño alto e recio, de rostro sombrío, picado de vexigas, embutido nun chaquetón roto e calzado cunhas zocas de bidueiro.
   
- Vaia un carro -gruñou o agrimensor ao subir ao destartalado vehículo-. Non se sabe onde está a parte dianteira nin a parte traseira...
   
- Nada máis fácil -replicou o campesiño-. Onde o cabalo ten a cola é a parte de adiante e onde está sentado a súa señoría é a parte de atrás.

...