19 de marzo de 2013

Texto de Seraogna de Alfonso Pexegueiro

LIMIAR
Agora eu busco un vello mariñeiro
ou unha hestoria d'o pailebote branco
ou calquer cousa...
MANUEL ANTONIO

Estounos buscando, sígoos buscando, hoxe,
mañá, onte -aínda os seguirei buscando
entre as epopeas e as lendas, entre
as noxentas e pesadas páxinas da Historia—,
e podo dicirche que non os atopo, que
ninguén sabe onde deixou aquel peón o seu sorriso
proletario -nas paredes do teu cuarto de música, quizais-
nin onde o mineiro o seu diploma de vivir,
tampouco ollei os seus escritos nos libros
(só un rei adúltero e tirano, un xeneral
que gañou batallas, un inventor, un calado poeta)
E ninguén sabe dicirme onde está a túa man, a túa pegada,

Ningún comentario:

Publicar un comentario

Nota: só un membro deste blog pode publicar comentarios.