Cambios nas webs

Estes últimos días andamos a cambiar algunhas pequenas cousas nos nosos espazos en internet. Un deles afectará ao noso espazo de efemérides (www.palaestra.info) que dende agora incluirá as actividades de fomento da historia baseadas en promover a realización de árbores xenealóxicas e dixitalizar as fotografías antigas.

Estas accións están recollidas no proxecto "E ti, de quen vés sendo?" apoiado pola Dirección Xeral de Xuventude.

Os cambios van supoñer que dende o próximo 1 de setembro, que cada ano marca para a entidade o inicio do novo curso, nesta web recolleremos de xeito habitual aspectos sobre o que poderíase chamar "historia familiar".