Conrad I

Joseph Conrad foi un dos grandes novelistas da lingua inglesa. Nado en 1857 na Ucraína polaca, Conrad pasou os seus primeiros anos en Varsovia, capital dun estado inexistente na época, xa que Polonia non posuía entidade política. O

 pai de Conrad, Apolo, escritor e director dunha revista, foi deportado ao interior de Rusia por envolvemento na insurrección de 1861. Pouco despois, o mozo Joseph quedou orfo, primeiro da nai, Evelina Bobrowska, vítima das privacións da deportación, e logo do pai. 

Aos 12 anos, Conrad pasou a vivir co tío Tadeusz. El cursou o ensino secundario e uns primeiros estudos xurídicos que abandonou por sentir unha predilección especial pola xeografía e a ansia de coñecer afastadas terras. En 1874, con 17 anos, el uníuse a unha tripulación en Marsella e tivo unha serie de aventuras pouco claras que incluíron unha viaxe ás Antillas, o contrabando de armas para os carlistas españois e un intento de suicidio en 1878. 

Despois diso, Conrad partiu en busca de novos horizontes e navegou polos océanos ao longo de dez anos. Ao final destes anos, adquiriu a nacionalidade inglesa e, en 1895, publicou a novela "Almayer's Folly", a primeira de moitas que o converterían nun dos grandes novelistas británicos. Conrad era un escudriñador da alma humana, especialmente da masculina, dos misterios da natureza e do mar e un antiimperialista convencido.