A libertade

Ao longo dos séculos, a loita do ser humano por mellorar as súas condicións de vida estivo acompañada por outra loita igualmente importante: a loita por conseguir primeiro a súa propia liberdade e segundo, ampliar ao máximo os límites dese valor. Este concepto foi analizado e debatido desde a antiga Grecia ata hoxe en día, e evolucionou ao longo do tempo.

Na antiga Grecia, a liberdade estaba asociada á obediencia ás leis e á noción de democracia. Para Platón, a liberdade política pasaba pola rebelión do pobo "pobre" liderada por "axitadores", o que podería conducir á perda do respecto ás leis. Pola súa banda, Aristóteles creía que o individuo era, ao mesmo tempo, gobernante e subdito, e debía controlarse ou ser controlado.

No cristianismo, a liberdade foi matizada e relacionada con outros conceptos como a razón, a vontade ou a necesidade. Santo Tomás de Aquino considerábaa unha característica divina do ser humano, mentres que para Thomas Bradwardine a liberdade consistía no poder de xulgar racionalmente e de obrar voluntariamente. John de Wyclif, un dos precursores do protestantismo, falaba da relación entre liberdade e necesidade, e Francisco Suárez sostiña que o home gozaba dun certo grao de liberdade que emanaba de Deus.