Alejandro Dolina
Case todos os homes sensibles de Flores coñecían a Luciano, o voador. Sabía atender un posto de diarios na esquina de Boyacá e a avenida. Os seus apoloxistas pretenden que levantaba quiniela, feito que non lle consta para nada ao compilador destas historias. Polo demais, a través de todos os mitos de Flores, parece constante o afán de enaltecer o recordo dos heroes, atribuíndolles actividades relacionadas co xogo. Se é verdade o que se conta, Luciano voaba. As súas escasas fotografías móstrannolo livián e magro, aínda que carente de ás. Unha delas, que adoita utilizarse como proba do seu don, rexístrao ao costado dereito dun grupo numeroso e os seus pés aparecen no aire, a unha cuarta escasa do chan. Os escépticos atribúen este efecto a un truco fotográfico ou ben a un pequeno salto oportuno.
...
Ningún comentario:
Publicar un comentario
Nota: só un membro deste blog pode publicar comentarios.