Fragmento de Última Fuxida a Harar

Texto de Xosé Antón Avilés Vinagre, coñecido como Avilés de Taramancos, nado en Boa (Noia) o 6 de abril de 1935 e finado na Coruña o 23 de marzo de 1992.

AGORA, Rei, bebamos xuntos o veneno. 
Eis o teu reino: Onde ti cantabas 
cantan os convidados, os larpeiros 
consumen a facenda e sementeira, 
os piornos valeiran e as artesas, 
e pouco a pouco, ouh Rei, foron roubando 
o espírito da pátria.

Trabucaron 
a língua e os sinais, a eséncia mesma 
do noso ser puxeron na fronteira. 
Somos iso.
Atoutiñamos marcas coñecidas 
para saber quen somos.