4 de xullo de 2019

Aforismos de Leonardo

359.- Tomade a un poeta que describa as belezas dunha muller ao seu namorado, tomade un pintor que a figure; verás cara a onde dirixirá a natureza ao namorado xuíz. Debemos, sen dúbida, deixar ao ensaio da experiencia que pronuncie o seu ditame. Clasificastes a pintura entre as artes mecánicas; a recado que, se a pintura fose apta para encomiar por escrito as súas obras, como o facedes vós, non sería ela relegada a tan vil categoría. Se a chamades mecánica porque é con axuda das mans que executa o que a fantasía concibe, vós tamén, poetas, debuxades manualmente coa pluma o que vos suxire o voso enxeño. E se dicides que a pintura é mecánica porque se fai pagar o seu traballo, quen cae neste erro, se erro pode chamarse, máis que vós? Se dais conferencias en casas de estudos, non ides a quen mellor vos paga? Facedes algo sen beneficio? Aínda que non digo isto para censurar tales opinións, pois todo traballo espera retribución. E en fin, se o poeta di: a miña ficción terá un significado grandioso, cousa igual poderá facer o pintor, como o fixo xa Apeles coa súa Calumnia.

Ningún comentario:

Publicar un comentario

Nota: só un membro deste blog pode publicar comentarios.