Inicio da era de Frankenstein

A era de Frankestein
Por Eduardo Galeano

Na súa novela Un mundo feliz, Aldous Huxley profetizara a fabricación en serie de seres humanos. En tubos de laboratorio, os  embrións desenvolveríanse segundo a súa futura función na escala social,  desde os alfas, destinados ao mando, até os epsilones, producidos para  a servidume.
     
Setenta anos despois, a bioxenética prométenos, como agasallo do nacente  milenio, unha nova raza humana. Cambiando o código xenético das  xeracións vindeiras, a ciencia producirá seres intelixentes, belos,  sans e quizais inmortais, segundo o prezo que cada familia poida pagar.
     
James Watson, Premio Nobel, descubridor da estrutura do ADN e xefe do Proxecto Xenoma Humano, predica o despotismo científico. Watson négase a aceptar ningún límite á manipulación das células humanas  reprodutivas: ningún límite á investigación, nin ao negocio. Sen pelos  na lingua, proclama: "Debemos manternos á marxe dos regulamentos e as leis".

...