Torneos de Outono

Lembramos que esta fin de semana celébranse os diferentes Torneos de Outono no Centro Comercial Los Rosales, onde o xadrez universitario programa unha das súas probas mais antigas. 

Represión no 1936

Tras o golpe de estado do 1936 foron detidas en Cariño once persoas. Conducidas a Ferrol son fusiladas o 6 de setembro de 1936, sobre os muros do cemiterio de Canido. Son Manuel Francisco Pita Armada-coñecido como Pancho de Pita, corresponsal de La Voz de Ortigueira, que sustituira ó seu irmao no concello a primeiros de xullo. Autocalificábase como agrario socialista-, Luis Pita Armada -tenente de alcalde da Corporación Municipal de Ortigueira, que renuncia antes do 18 de xullo. Chófer-, Antonio Pita Armada -toneleiro, irmao dos anteriores-, José Antonio Timiraos -vocal do Sindicato da Industria Pesqueira, mariñeiro-, Jesús Díaz Pérez, mariñeiro-, José Casal Casas -mariño mercante-, Modesto Senra Martínez, Francisco Anido Pérez, Francisco Novo Lozano, Avelino Pérez Breijo e Jesús Quiza Picos.

Hoxe temos martes de xadrez

Lembra que hoxe temos Martes de Xadrez de 19,00 a 20,30.

Na semana do aniversario do Centro Comercial Los Rosales, o venres e sábado o CIDU organiza os Torneos de Outono.

Información na súa web.

A Coruña en sepia

Hoxe haberia moito mais tráfico.
 

CHROMALUME I: Adagio for Strings and Singers (Samuel Barber)

Cousas

Algúns estudantes teñen vergoña de ir ao hipódromo e ver que ata os cabalos conseguen rematar as súas carreiras.

Halloween en Rosales

Hoxe hai actividades especiais polo Halloween no Centro Comercial Los Rosales.

Info: https://www.cclosrosales.com/viernes-31-tarde-de-halloween/

O equipo de xadrez no soto

O equipo de xadrez no soto

Era unha noite escura e tormentosa. Ben, non en realidade, pero comezamos así porque calquera boa historia merece un toque de drama desde o principio. Na Universidade de Santa Eufemia, un lugar tan esquecido polo tempo que mesmo o reitor se perdera nos seus propios corredores máis dunha vez, había un peculiar equipo de xadrez. Peculiar non só porque os seus membros eran unha mestura diversa, senón tamén porque o seu lugar de reunión era un soto poeirento e mal iluminado, con máis arañeiras que estudantes.
O capitán do equipo, Gonzalo "O Cerebro" Rodríguez, era un mozo con lentes tan grosas que parecían fiestras medievais. Intelixente, pero cunha perigosa inclinación polas teorías da conspiración. Ao seu carón estaba Elena "A Estratega" Sánchez, unha moza cuxa mente era tan afiada como o fío dunha espada, pero coa dozura dunha estampida de elefantes cando estaba enfadada.
O terceiro membro era Pedro "O Silencioso" López. Nunca dicía unha palabra, o que non era necesariamente algo malo. Ninguén sabía se era por elección propia ou simplemente porque non había nada interesante que dicir. Finalmente, estaba Marta “A Calculadora” Jiménez, cuxa obsesión polas estatísticas e as probabilidades a levara a idear estratexias de xadrez tan complexas que nin sequera un ordenador podía seguir a súa lóxica.
Xuntos, reuníanse no soto da Biblioteca de Santa Eufemia, un lugar cuxa atmosfera parecía deseñada especificamente para facer que os estudantes abandonasen toda esperanza de atopar un libro útil. O soto non só era escuro, senón que tamén tiña un cheiro constante a humidade e queixo rancio. Era o lugar perfecto para que un equipo universitario de xadrez pouco apreciado conspirase e discutise os seus plans para a vitoria no torneo anual de xadrez interuniversitario.
Unha noite, mentres estaban absortos nunha partida particularmente intensa, a paz do soto foi quebrada por un son estraño, un golpe seco seguido dun estrondo. Gonzalo, sempre propenso á paranoia, saltou da cadeira cun berro afogado.
—Atopáronnos! —exclamou, mirando nerviosamente arredor.
—Reláxate, Gonzalo —dixo Elena, poñendo os ollos en branco. "Probablemente sexa só unha rata máis grande do habitual."
Pero antes de que puidesen investigar a orixe do ruído, a porta do soto abriuse de súpeto e apareceu o profesor Fortunato, un home cuxo nome contrastaba ironicamente coa súa natureza perpetuamente desafortunada. Coa cara vermella polo esforzo e a suor, camiñou cara ao grupo a trompicóns.
—Estudantes! —dixo sen alento— Necesito a vosa axuda!

Gonzalo, aínda tremendo, conseguiu balbucear unha resposta.
—Que pasa, profesor?
O profesor Fortunato, despois de recuperar o alento, explicou que a universidade recibira unha ameaza anónima: se o equipo de xadrez non gañaba o seguinte torneo, o edificio da biblioteca sería demolido por un "grupo de intelectuais radicais". Ninguén sabía se a ameaza era real, pero a administración, na súa característica ineptitude, decidiu que o mellor curso de acción era garantir que o equipo de xadrez gañase.
—Non podemos deixar que isto suceda! —exclamou Marta, amosando unha rara onda de emoción.

E así, cun novo sentido de urxencia, o equipo dedicouse a practicar con aínda maior celo. As tensións aumentaron, as estratexias fixéronse cada vez máis complexas e as discusións máis acaloradas. Todo o soto vibraba coa intensidade do seu esforzo.
Finalmente chegou o día do torneo. O evento celebrouse no ximnasio da universidade, un lugar non menos poeirento que o soto, pero cunha iluminación que facía que todos parecesen pantasmas cansos. O equipo de Santa Eufemia enfrontouse aos seus rivais, o equipo da Universidade de San Gregorio, coñecido pola súa brutalidade tanto dentro como fóra do taboleiro.
A partida decisiva foi entre Gonzalo e o capitán de San Gregorio, un tipo chamado Iván "O Implacable" Serrano, cuxa expresión era tan fría como a dunha estatua de mármore. Gonzalo, con nervios de aceiro e a astucia dun raposo, conseguiu manter a calma e, despois dunha serie de movementos maxistrais, deulle xaque mate a Iván.
O ximnasio estoupou en aplausos. O equipo de Santa Eufemia gañara. Gonzalo, Elena, Pedro e Marta abrazáronse, rindo e chorando de alegría. Ata o profesor Fortunato parecía ter tido sorte.
De volta no soto, o equipo celebrouno con refrescos e pizza (a única comida que podían permitirse). Gonzalo, cun sorriso na cara, levantou o seu vaso de refresco.
—Ao noso equipo —dixo— e para demostrar que mesmo no lugar máis escuro, a luz do enxeño pode brillar.

O equipo animou, e o soto, por unha noite, foi un lugar de celebración, risas e camaradería. Porque no tolo mundo de Santa Eufemia, mesmo un equipo de xadrez podería ser o improbable heroe que a universidade necesitaba.

al-Jalālaqa ou al-Jalāliqa

Galiza الجلالقة

(transliterado: al-Jalālaqa ou al-Jalāliqa) ocupando toda a porción norte peninsular no Mapa do mundo de Ibn Sa'id Al-Andelusi. Abū al-Ḥasan Alī ibn Mūsā ibn Sa'īd al-Maghribī (1213–1286), tamén coñecido como Ibn Sa'īd al-Andalusī, foi un xeógrafo, historiador, poeta árabe e o máis importante coleccionista de poesía de al-Ándalus nos séculos XII e XIII.

https://cosasdecordoba.com/ibn-said-al-maghribi/

Martes de Xadrez

Lembra que hoxe temos un novo martes de xadrez.

No Centro Comercial Los Rosales.

Gratuito grazas á Deputación da Coruña.

A Coruña en sepia

Unha coñecida librería da Coruña.

Onde estaba?

Eagles - Hotel California (Live 1977) (Official Video) [HD]

As Bruxas da Eira das Meigas

As Bruxas da Eira das Meigas

Hoxe o Monte Neme é tristemente famoso polo seu lago azul, onde algún aparvado se mete a bañarse sen saber o que fai, ignorando que esa auga vén de feridas abertas na terra por minas e cobizas recentes.
Pero moito antes diso —cando o alto do monte non era un corte industrial senón un lugar sagrado— existía alí un cromlech, un círculo de pedras antigas que gardaba a memoria dos que falaban coa terra sen necesidade de libros.

Naqueles tempos, a zona non se chamaba “Monte Neme”, senón Eira das Meigas, porque alí vivían mulleres sabias, herdeiras dun saber anterior ás coroas e ás igrexas. Eran as súas gardiás.

As irmás Lúa, Xistra e Brétema eran tres das meigas máis vellas do lugar. Non facían mal, nin buscaban temor: coidaban do cromlech como quen coida a memoria dun pobo enteiro. As pedras, orientadas co vento e co ceo, falaban de tempos anteriores ao ferro e á espada. Mais un día chegaron uns homes que nada sabían desa lingua. Estranxeiros, bárbaros, ou simplemente imbéciles e escuros, subiron pola ladeira armados con machadas, coa intención de levar pedra, abrir camiños e erguer o seu propio mundo sobre as ruínas do outro.

As meigas observaron ocultas entre a néboa. Cando os invasores tombaron o primeiro menhir, as pedras latexaron como corazón ferido. Ao derrubar o segundo, o vento ergueuse. Ao tocar o terceiro, a terra recordou quen era.

Xistra murmurou:
—Non saben o que rompen.

Brétema púxose de xeonllos e pousou a man no chan húmido:
—A Eira das Meigas non esquece.

Foi entón cando chamaron ao que o monte lembraba: raíces, lendas e medo do tempo antigo. A terra tremeu baixo os pés dos bárbaros, as ferramentas esvararon nas gretas, e unha néboa espesa baixou coma animal protector. Os homes fuxiron sen entender, crendo ver pantasmas ou demos onde só había memoria defendéndose.

Cando as meigas baixaron ao cromlech, xa non quedaba círculo, senón restos rotos e silencio. Lúa pasou a man por unha das pedras caídas.

—O sagrado pode perder a forma —dixo—, pero non desaparece.

E así foi. O monte cambiou, racharon as entrañas para roubarlle o ventre e enchérono de auga velenosa. Mais din que baixo o lago azul, onde algún insensato se baña por ignorancia, a Eira das Meigas segue viva, agardando, lembrando, murmurando baixo os pés de quen sabe escoitar.

Deseño

O risco do deseño hoxe en día —di Alberto Corazón— é esquecerse da funcionalidade e aceptar a penalización da estética. Nos últimos anos, o rato do ordenador substituíu o lapis, e nada pode ser igual que antes. En todos os sentidos, conceptual e formalmente.

El ojo

El ojo que ves

no es ojo porque tú lo veas

Es ojo porque te ve.

Antonio Machado

Luftwafe

Seguramente non é moi coñecido que en maio de 1939 6.000 soldados da Luftwaffe e da Wehrmacht, membros da Lexión Condor, desfilaron por Vigo comandados por Von Richtoffen, o fillo do Barón Vermello.

Tampouco moitos saben que Xerardo Fernández Albor, que foi presidente da Xunta, coñecido como médico e intelectual galeguista foi piloto da Luftwaffe, recibindo adestramento na Alemaña nazi e acumulando horas de voo a bordo de avións Focke-Wulf e Junkers que, pouco despois, se converterían en protagonistas da Segunda Guerra Mundial.

Martes de Xadrez

Lembramos que este martes temos Martes de Xadrez dende 19,00 a 20,30.

A Coruña en Sepia

 Sabes onde é?

Creedence Clearwater Revival - Have You Ever Seen The Rain (Official)

18 de outubro

1898: Os Estados Unidos toman Puerto Rico.

17 de outubro

1749: Nace o Marqués de Sargadelos, industrial ilustrado. 

16 de outubro

1945: Creación da Organización das Nacións Unidas para a Alimentación e a Agricultura

15 de outubro

1126: Alfonso VII doa a Pedro "o pelegrín" a igrexa de Santa María en Portomarín, como agradecemento das obras feitas na vila.

Martes de Xadrez

Lembra que hoxe martes temos a actividade no Centro Comercial Los Rosales.

Ven xogar xadrez libremente coa presenza dun monitor para solventar dúbidas.

Actividade de balde grazas á Deputación da Coruña.

Monte Neme

Coñecido hoxe en día por ser unha especia de lago azul onde algún aparvado vai bañarse sen saber o que fai, no seu dia na parte alta existiu un cromlech,

Fernando Cabeza, un dos referentes en toponimia, xunto a outros estudosos, mantén que no nome pode vir do nemeth celta, o bosque sagrado ou santuario.

A zona era coñecida antigamente como Eira das Meigas.

Don Felder Feat. Styx- Hotel California (Live from Las Vegas 2015)

11 de outubro

1582: Debido á implantación do Calendario gregoriano, este día non existe no ano 1582 en Italia, Polonia, Portugal e España

10 de outubro

1719: Unha escuadra inglesa toma Vigo.

9 de outubro

1325: Afonso IV de Portugal sube ó trono trala morte de seu pai Dinis.

8 de outubro

1492: Cristóbal Colón escribe no seu libro de viaxe: "Toda a noite oímos paxaros voando enriba de nos".

7 de outubro

1571: Batalla de Lepanto, na que o poder marítimo dos turcos foi abatido pola Liga Santa. Destaca a actuación do mariño galego Gil de Andrade.

6 de outubro

1771: Pragmática de Carlos II na que prohíbe os xogos en España.

Raphael & Mónica Naranjo – “Qué sabe nadie” (Especial "Raphael. De tanta...

4 de outubro

380: O Concilio de Zaragoza excomulga a Prisciliano.

3 de outubro

1815: Morre aforcado na Coruña Juan Díaz Porlier, xeneral español.

2 de outubro

1559: Filipe II recoñece oficialmente a Xoán de Austria como seu irmán.

1 de outubro

1578: Morre Don Juan de Austria Gobernador Xeneral dos Paises Baixos

30 de setembro

1906: Fúndase na Habana a Real Academia Galega.

29 de setembro

1801: Concédese pensión á coruñesa Josefa Antonia Martí, que servira cinco anos como grumete na Armada en Ferrol ocultando que era unha moza.

Apuesta por el R'n'R (Remaster 2018)

27 de setembro

1719: Tres barcos ingleses mandados polo almirante Johnson bombardean e toman a vila de Ribadeo.

26 de setembro

1764: Morre Frei Benito Xerónimo Feijoo e Montenegro (Padre Feijoo), escritor galego.

25 de setembro

1875: Nace Fernando Álvarez de Sotomayor.

24 de setembro

885: San Rosendo consagra a Igrexa do Mosteiro de Celanova.

Martes de Xadrez

Hoxe dende as 19,00 no Centro Comercial Los Rosales.

Co apoio da Deputación da Coruña.

Inicio de A Última Noite de Verán

A Última Noite de Verán 
Alfred Coppel 

Ardían lumes na cidade. Coa súa casa ás escuras -a central eléctrica abandonada por aquel entón-, Tom Henderson podía ver claramente os lumes. Reflectíanse como fogatas contra a masa de fume. Sentou na escuridade, fumando e escoitando a aguda voz do locutor que lle chegaba pola radio portátil. 
-...as temperaturas medias están a subir até as máximas normais en todo o mundo. París infórmanos dunha máxima rexistrada onte de 42°... Nápoles tivo 45°... Os astrónomos predín... O goberno aconsella que a poboación civil permaneza en calma. Foi declarada a lei marcial nos Angeles. 

...

El loco soñador (2016 Remastered)

Ideas de futuro

Unha das cousas que fago estes días é pensar no "legado". Non vexo TV, prácticamente non leo e penso como axudar ás entidades dende a miña nova situación de navegante entre dous mundos e de como lograr que as entidades sigan no futuro... o legado.

Así que se me da tempo nos próximos días empezarei a propoñer cousas como esa fundación de xadez, da que sacamos folletos en 2019, quedou no limbo pola COVID e agora penso que tería que ser unha prioridade.

Verermos en que queda todo.

Saúdos.

Martes de xadrez

Como moitos ben sabedes non estamos no noso mellor momento, pero o martes volvemos cos Martes de Xadrez.

19,00 no Centro Comercial Los Rosales.

E de balde grazas á axuda da Deputación da Coruña.

18 de setembro

1910: Colócase a primeira pedra do monumento da Virxe da Rocha de Baiona.

17 de setembro

1183: Reunión no Burgo de Faro do conde Gómez González de Trastamara con cabaleiros da orde do Temple.

16 de setembro

1851: Nace Emilia Pardo Bazán, escritora galega na Coruña.

15 de setembro

1574: Instálase na Coruña a Inquisición especial de Galicia.

O Pousa (videoclip oficial) a roda

13 de setembro

1996: Morre Xosé Filgueira Valverde, intelectual galego.

12 de setembro

1921: Nace Stanisław Lem, escritor polaco.

11 de setembro

1869: Morre en Montevideo Antonio Díaz Hernández, que nacera na Coruña pero que loitara pola independencia das colonias, chegando a ser ministro e xeneral no Uruguay.