... Se cremos as probas que nos ofrecen os descubrimentos arqueolóxicos máis recentes en Inglaterra, Bretaña e Irlanda, e as lendas máis antigas de Europa, que son as das invasións de Irlanda, a tendencia natural e instintiva do pobo galaico a emigrar remóntase aos tempos máis remotos da historia da humanidade nesta terra, onde a historia, aínda envolta en espesas néboas, é só prehistoria; e o rumbo que tomaron estas migracións foi cara ao norte, na procura de novas terras que se facían máis cálidas co retroceso dos xeos e que entón estaban escasamente poboadas. E se seguimos crendo as lendas irlandesas, o punto de partida destas grandes migracións do noroeste a Irlanda foi xa no período neolítico, moitos séculos antes da chegada dos celtas á Europa Occidental, o porto que os romanos chamarían "o gran porto dos Ártabros" onde os celtas construíron a cidade de Brigantia, os romanos organizaron alí a mansión Flavia Brigantia e, tras unha serie de transformacións ao longo da historia, chegou a acabar sendo o que hoxe é a cidade da Coruña...
Emilio González López
